女性分娩後，雌激素分泌急劇減少，而催乳素分泌會增加，加上嬰兒吸吮乳頭嘅刺激，乳房就會自然分泌乳汁，如果不足以滿足bb嘅需求就稱為奶水不足。
{adv here}
{adv here}
預防奶水不足的方法
1. 媽媽要對自己有信心，保持心情愉快，放鬆，唔好忟。
2. 產後及早上奶，按嬰兒需要隨時餵奶，餵奶姿勢要正確。
3. 媽媽喺餵奶期間要保證足夠嘅營養攝取同埋均衡飲食，切忌偏食，飲多啲湯水等，儘快同bb嘅生活作息同步，bb瞓，媽媽都要瞓。喺餵奶過程中，媽媽難免會受到環境、情緒影響，有時奶量會減少，呢種情況叫「暫時母乳不足」。只要堅持餵母乳，多啲畀bb吸吮，好快奶量又會回復正常水平。
4. 唔可以食收奶食物。母乳嘅生產係靠多巴胺刺激大腦中樞神經命令乳汁分泌，多巴胺要刺激大腦\增加分泌好困難，但要抑制分泌就好容易，所以食物對於泌乳嘅效果，往往係收奶比發奶更明顯。所以要提醒母乳媽媽們，千祈唔好食會引起退奶嘅食物，例如韭菜、麥芽、麥片、人參等。
{adv here}
5. 產後飲食要以清淡為主，唔好食刺激性食物，包括：辛辣調味料、辣椒、酒、咖啡等。
1) 酒：一般而言，飲少量嘅酒可以促進乳汁分泌，對bb亦無影響，但過量時，會抑制乳汁分泌，仲會影響子宮收縮，所以應該酌量少飲或者唔飲。
2) 咖啡：會令人體嘅中樞神經興奮。1杯150毫升嘅咖啡，即含有100毫升嘅咖啡因，正常人1日最好唔超過3杯。雖然冇證據顯示佢對嬰兒有害，但對於母乳媽媽來講，應該有節制咁飲用或者停飲。
資料來源：壹讀
