好多孕媽媽夜晚都會冇覺好瞓，因為胎兒一直郁嚟郁去，異常地活躍。胎動次數可以直接反映bb喺子宮入面嘅情況，準媽媽一定要多加留意。
{adv here}
{adv here}
研究發現，胎動最多係晚上8~9點，上午8點到中午呢段時間活動一般，下午2~8點處於最低點。所以，大部分bb都係晚上胎動最頻密，孕媽媽唔使擔心。
晚上胎動頻密原因
1. 晚上係孕媽媽身心最放鬆嘅時候，所以bb都一樣咁放鬆，媽媽心情愉快，bb就最有安全感，所以呢段時間bb會玩得最開心。
2. 日頭周圍環境嘈雜，孕媽媽自己又比較忙，會冇咁留意胎動同埋感知力都冇咁好，而晚上因為冇其它事情打擾，自然較容易感受到胎動。
3. 胎兒習慣咗喺晚上同媽媽互動，bb越大胎動都會越來越頻密，bb嘅感知力都會越強，如果胎動時，孕媽媽同佢互動，例如撫摸、傾計、聽音樂等，bb就會郁得更犀利。
{adv here}
4. 睡姿都會影響胎動次數，有啲媽媽一直打側瞓，時間耐咗想換個姿勢，偶爾平瞓，而仰卧嘅姿勢會壓住下髒靜脈導致胎盤供血量減少，輸送畀bb嘅氧氣同埋營養就會減少，bb感到唔舒服就會抗議。
關於胎動須知：
一般孕媽媽懷孕4個月就可以感受到胎動，亦都有人5個月先感受到，都屬於正常現象；
胎動時同bb溝通都係胎教嘅一種，可以促進胎兒嘅大腦發育，胎動時準媽媽同準爸爸不妨同bb多啲互動。
正常胎動一般每小時3~5次，12小時內大約30~40次，當然每個bb都會有啲唔同，呢個只是參考範圍。
資料來源：每日頭條
