懷孕期間定期去牙科診所護理可以預防多種疾病。孕婦要注意，如果細菌由口腔入侵人體之後襲擊子宮，可能會導致早產或胎死腹中。
{adv here}
{adv here}
2010年婦產科英文學會誌發表以下案例。一位35歲亞洲女性懷孕39週5日、即將迎接第一胎嘅時候，竟發現肚入面嘅胎兒突然唔識郁，去到醫院檢查後發現BB已經冇咗心跳。後來醫生將BB由媽媽個肚取出，同BB一齊出嚟嘅係發出惡臭嘅羊水。如果係健康嘅孕婦，羊水應該呈無菌狀態，唔會有臭味。
呢位媽媽產前患上孕婦常見嘅妊娠牙周病，亦出現流血嘅情況。懷孕期間受荷爾蒙影響，只要口腔狀態唔好就會出現牙周病容易流血。再加上呢位媽媽好不幸，喺BB胎死腹中前三日感冒，仲發高燒。
醫生為咗搵出BB胎死腹中嘅原因，喺媽媽同意下解剖胎兒，結果發現一項驚人嘅事實，喺BB嘅胎盤、肚臍、甚至肺部胃部都發現壞死梭桿菌(Fusobacterium necrophorum)呢種牙周致病菌。BB就係因為呢種牙周致病菌引發敗血症之後胎死腹中，但BB腸道原本就冇呢種細菌，所以醫生認為係媽媽發燒嗰三日先感染。
{adv here}
事後醫生剩係喺媽媽牙齒同牙齦間（牙周囊袋）發現壞死梭桿菌。即係話，入侵媽媽牙周囊袋嘅細菌透過血液去到胎盤侵犯BB先造成死胎。
冇諗到呢種孕婦常見嘅牙周病會奪走BB嘅生命。而壞死梭桿菌屬於口腔常在菌，任何人嘅口入面都會有呢種細菌。
資料來源：ETtoday