寶寶瞓覺時應該要避免以下問題：
1. 初生BB房間夜晚唔應該長期開燈
好多啱啱做人父母嘅後生仔女，為咗方便夜晚幫小寶寶餵奶或者換片，都會鐘意長期開住房燈，其實咁做對寶寶非常不利。最近英國有一個醫院嘅新生嬰兒醫療研究報告指出，如果初生寶寶不分早晚咁喺光照嘅環境下生活，往往會出現睡眠同埋餵食嘅問題。
有專家認為，初生寶寶體內自發嘅內源性日夜變化調節會受光線、聲音同埋物理因素影響。喺呢個大前題下，早晚有分別嘅環境對寶寶嘅成長發育都會有幫助。
{adv here}
{adv here}
2. 唔應該畀BB瞓太軟嘅床
隨住生活水平提高，屋企嘅家具都不斷更新變化，木板床已經被造型精美、舒適嘅軟床同埋彈弓床取代。父母為咗令寶寶瞓得好啲，舒服啲，往往都會買一張軟床或者彈弓床俾寶寶瞓，佢哋認為寶寶瞓軟床就唔怕傷到身體。但係其實咁樣做唔單止對寶寶冇益，反而會影響小朋友脊柱嘅正常發育。
3. BB唔應該瞓枕頭
千祈唔好比寶寶瞓太大或者太軟嘅枕頭，因為寶寶有機會喺枕頭上碌落嚟，又或者被太軟嘅枕頭覆蓋面部，引致窒息嘅危險。另外，寶寶嘅頭被毛毯或棉被蓋住會令佢哋過熱或呼吸困難，所以各位家長要時時留意寶寶瞓覺嘅情況。
{adv here}
4. 不好將BB獨留喺大人床
寶寶熟睡緊又冇人睇住嘅時候，好多時父母都會喺寶寶嘅兩邊放啲枕頭，但係寶寶可能會翻嚟翻去滾入枕頭入面而出現過熱或呼吸困難，所以呢種做法係絕對唔正確。最理想嘅方法係購買一個床用圍欄裝喺床邊，或者當家長離開房間嘅時候，將寶寶放喺嬰兒籃或嬰兒床等安全嘅地方。
資料來源：GreatDaily
