寶寶幾時可以開始食水果？
基本上寶寶4至6個月開始加固嘅時候就可以食水果，形態可以係汁、泥、塊循序漸進，不過營養師建議寶寶最好6個月大先食水果，初初加固最好畀澱粉類嘅副食品寶寶試，因為水果嘅甜度比較高，如果一開始就畀寶寶食水果，佢哋對其他種類副食品嘅接受程度就可能會降低。
{adv here}
{adv here}
寶寶食水果有咩要注意？
1. 揀當造嘅水果，不單止會比較新鮮，殘留喺水果上嘅農藥都會比較少。畀寶寶均衡攝取各種唔同水果顏色嘅水果。
2. 啱啱開始每次剩係試一種水果，寶寶冇出疹或者肚疴再加量，每次先用一茶匙嘅量試。
3. 要注意水果嘅形態同埋形狀，例如提子同埋車厘茄等圓形嘅水果會比較容易哽到，應該先切成適當嘅大細先畀寶寶食。其他種類嘅水果都建議唔好切得太大塊。
{adv here}
4. 洗水果嘅時候，建議先用水喉水洗（用細水洗大約10分鐘），再用煮過嘅凍滾水沖多次，沖走水果表面嘅生菌。處理水果嘅刀具或者磨泥器最好都用凍滾水沖一沖。
5. 好多爸媽唔敢餵士多啤梨、奇異果、芒果等容易致敏嘅水果俾寶寶食，雖然會唔會過敏其實係因人而異，但都建議等寶寶一歲後先畀佢試。
邊啲水果比較適合寶寶食？
最推薦嘅水果就係蘋果。因為蘋果致敏性低，無論係榨成果汁、磨成果泥、切塊都好方便，營養素含量亦都相當豐富，含有豐富嘅果膠、維他命、鐵、膳食纖維等，可以幫助排便，而且蘋果味道甜，寶寶對蘋果接受度都會比較高。
資料來源：ETtoday
