台灣新北市新莊區一位姓翁懷孕五個月嘅準媽媽同父親嘅女朋友，大自己四歲嘅黃女士發生爭執，準媽媽近日發現自己個水壺有啲「滑潺潺」，又一直肚屙，安裝攝像機先發現係「細媽」喺水壺入面加咗洗潔精，產檢後發現BB因為咁樣而有兔唇，佢報警後，警方好快將黃女調查，佢亦承認「故意冇將洗潔精沖洗乾淨」，仲話咁做只係想「整蠱」翁女士，冇諗過會傷害到BB。
{adv here}
{adv here}
31歲姓翁女士嘅老公表示：老婆嘅水壺平時都用嚟裝咖啡，所以都唔覺有異味，而呢位涉案女子係佢外父嘅女朋友，一直都係同老婆一齊住。
洗潔精對孕婦其實有害，因為洗潔精係石油提取物，孕婦喺洗碗嘅時候呢啲成份有可能透過皮膚滲透，當中嘅直鏈烷基碘酸鹽同埋酒精等等化學成份都對胎兒有危險，8至12週仲好容易造成中樞神經畸形，而喺懷孕三個月後就可能導致胎兒器官發育有問題，嚴重嘅可能會早產。
{adv here}
根據警方調查，姓翁嘅受害人習慣喺晚上將咖啡沖好放入雪櫃，第二朝再將咖啡倒入自己同老公嘅水壺，但近日發現水壺樽蓋殘留泡沫，仲一日內連續肚瀉三至四次，起初佢都冇為意，但連續三日都發現水壺有異物殘留，先喺房入面安裝攝像機，點知竟然發現「細媽」連續兩日將洗潔精倒入水壺，令佢同胎兒受到影響。
受害人老公話，外父同黃女拍咗拖13年都冇結婚，以前同翁女士嘅感情好好但唔知點解佢會咁狠心，得知係黃女落手時全家人都十分驚訝。事件被揭發後翁女士嚇到即刻搬走，恐怕同「細媽」昔日嘅姊妹情已經一去不返。
資料來源：ETtoday
