BB喊唔停都會令好多新手媽媽不知所惜。美國加州兒科醫生Robert C Hamilton喺網上分享咗一個神奇嘅「抱抱法」，可以令喊緊嘅BB即刻唔喊，呢個神奇方法上傳到網上唔夠五日，已經吸引左400萬次點擊率。
{adv here}
{adv here}
仲未識講嘢嘅BB會用喊來表達同埋溝通。如果BB大喊嘅話，新手爸媽就會好苦惱，喺呢個時候就可以試吓Hamilton嘅神奇「抱抱法」。
擁有30年兒科經驗嘅Hamilton醫生，每年都會接觸到過千位新生嬰兒，所以非常了解點樣可以令BB唔喊。
影片入面可以見到Hamilton親自示範神奇「抱抱法」，佢首先將一位喊緊嘅BB雙手交叉放喺胸前，再用一隻手輕輕抱住BB雙手，再用另一隻手托住BB嘅pat pat細細力咁搖動，再左右兩邊搖晃幾下，然後神奇嘅畫面出現了，影片中兩個喊到收唔到聲嘅BB真係即刻收聲！
Hamilton特別提醒，動作一定要輕柔，用手掌心捉實BB，唔好用手指尖。要令BB下巴有支撐。
{adv here}
Hamilton分享呢段「抱抱法」影片嘅目的係希望可以幫到新手爸媽，結果影片大受歡迎，擺上網唔夠五日，就已經有460萬次嘅點擊率。
不過，Hamilton提醒呢個「抱抱法」只係適用於2~3個月大嘅BB，因為較大嘅BB就好難用呢種方式抱住；另外，如果試咗呢個抱法BB都仲係繼續喊，就要留意下BB係唔係身體唔舒服或者肚餓。
資料來源：大紀元
