孕媽們本身就係過敏一族，想預防bb從小過敏，就要注意以下5點：
1. 避開過敏食材
如果孕婦本身已經知對邊啲食材過敏，就要盡量避免，而其他常見嘅高敏食材，例如帶殼海鮮、芒果、蛋、牛奶、奇異果等，如果孕婦本身冇對呢啲食材過敏，都可以均衡攝取。
{adv here}
{adv here}
2. 避免加工食品
研究發現，人造牛油、反式脂肪等化學物質都係導致過敏嘅源頭之一。因此日常飲食建議以原食材為主，避免食用加工食品，例如薯片、朱古力、人造牛油、杯麵等，以免攝入過多食物添加劑。
3. 減少精緻飲食
食材選擇以全食物為佳，例如以糙米、多穀米取代白米，全麥粉取代普通麵粉等，有助均衡攝取各類營養素。
{adv here}
4. 攝取各類蔬果
各類蔬果含有不同嘅營養價值同埋抗氧化效果，亦都有助維持腸道好菌嘅生長。
5. 多食中型魚類
魚類係一個非常好嘅蛋白質來源，仲含有Omega-3有助身體抗氧化、抗發炎，有助舒緩身體不適症狀。大型魚類有可能含有重金屬，因此建議以中型魚類為首選。
資料來源：健談
