好多父母都可能面對同樣嘅困難，就係BB越大就越揀飲擇食。父母想BB食得營養均衡，就要開始畀BB食手指食物，令佢可以不知不覺將平時唔食嘅食物都食埋落肚。點樣運用手指食物先可以令BB唔偏食呢？
{adv here}
{adv here}
1. 符合BB自主需求
隨着BB年紀長大，自主性越來越強烈，BB就會想自己拎起食物，唔鍾意畀大人餵食，父母不妨改變飲食方式，將主餐或者點心製作成可以用手拎嘅形狀，例如將平凡嘅白飯整成一口飯團，唔單止可以符合BB自己拎起食物嘅需求，視覺上都會有新鮮感。飲食變得更加有趣就可以減少揀飲擇食嘅機會，亦可以培養BB手眼協調同埋自主能力。
2. 善用開胃嘅天然食材
天然食材入面有好多都可以促進食慾、強健脾胃嘅食物，例如粟米，黃豆、菇、南瓜、番薯、紅棗、紅蘿蔔、椰菜、薯仔等等，父母可以利用呢啲食材造成手指食物，幫助BB開胃，促進食慾。
3. 用BB鍾意嘅食物做掩護
點樣先可以令BB將唔鍾意嘅食物放入口？最簡單嘅方法就係用BB鍾意嘅食物做掩飾，用呢啲食物做基底，再撈埋BB唔鍾意嘅食材，加埋一齊製作手指食物，令BB不知不覺將唔鍾意嘅食物食晒。
{adv here}
4. 改變食物原本樣貌
小朋友揀飲擇食可能係因為食物嘅味道，亦都有可能係唔鍾意食物嘅形狀而產生偏食。父母可以試吓將食物原本嘅形狀改變，例如切碎或者打成蓉，仲可以將其他食物撈埋一齊整成手指食物，令BB接受程度大增。
資料來源：華人健康網
