如果要將寶寶最常見嘅皮膚問題做排名，濕疹、熱痱、蚊爛一定係排頭3位。比起熱痱同蚊爛，濕疹就難處理好多。以下4個誤區，父母們一定要注意！
{adv here}
{adv here}
1) 濕疹可以徹底治癒
經常有人問，有冇醫濕疹嘅特效藥？好抱歉，現時仲未有一種藥物可以完全醫好濕疹！
避免濕疹復發要注意護理。父母可以做嘅就只有細心咁護理同埋適當咁使用藥物，避免濕疹翻發，去減輕濕疹對寶寶生活同埋發育嘅影響。有一半以上患有濕疹嘅寶寶，隨住年齡增長，濕疹都可以自己好返。因為濕疹冇徹底根治嘅方法，家長要有心理準備同濕疹打持久戰。
2) 濕疹寶寶一定要戎口
雖然食物敏感好普遍，但臨床證實，即使避免進食懷疑引致過敏嘅食物，都唔可以預防同埋舒緩寶寶嘅濕疹。除非寶寶全身都出現嚴重濕疹，否則，對於輕中度嘅濕疹嚟講，搵出食物過敏源嘅意義唔大。
{adv here}
3) 濕疹護理要保持皮膚乾爽
好多人聽到濕疹，就以為濕疹係因為皮膚太濕造成，其寶啱啱相反，濕疹皮膚最怕乾，要經常保持滋潤。保濕係濕疹皮膚護理嘅基礎，做好保濕可以事半功倍。
4) 類固醇有副作用，不能給寶寶用
喺網上大部分信息都係拒絕用類固醇嚟治療濕疹，但外國嘅臨床實驗證明，對於中重度嘅濕疹嚟講，適當使用外用類固醇藥膏係首選嘅治療方法。
其實，類固醇藥膏嘅副作用俾人誇大咗。家長所擔心類固醇藥物會阻礙小朋友成長呢個情況，其寶只有喺長期大劑量口服或者注射類固醇藥物先會出現。
資料來源：Q博士
