當寶寶開始用手拎嘢食，其實係一個重要嘅里程碑。近年越來越流行嘅Baby Led Weaning（BLW），簡單嚟講就係跳過餵食糊狀食物同食物泥嘅階段，一開始加固就直接提供手指食物。寶寶自主用手進食，對於訓練寶寶嘅手眼口協調有好大幫助。到底媽媽們應該準備啲咩食物畀寶寶食呢？

{adv here}

什麼是手指食物？

Finger food（手指食物）係指寶寶可以用手指拎住嚟食嘅食物，例如蒸淋咗嘅蘿蔔條，切到細細塊嘅麵包，或者細細粒嘅肉丸。

何時可以提供手指食物？

理論上，當寶寶具備一定嘅手眼口協調能力，就可以獨自完成拎起食物然後放入口嘅一系列動作，呢個時候就可以進食手指食物。一般而言，寶寶喺大約6個月大，媽媽就可以開始提供手指食物。

手指食物有哪些？

同傳統餵食一樣，食物嘅質地要由幼到粗分階段提供畀寶寶，手指食物嘅質地都要按照由軟到硬嘅次序去提供，由最初嘅可溶在口（melt in the mouth）到需要咬嚼（bite and chew），以符合寶寶由蠕嚼到細嚼嘅發展需要。

{adv here}

1) 可溶在口（Melt in the mouth）

顧名思義，可溶在口嘅食物唔需要用力咬斷或咀嚼，適合啱啱開始嘗試進食手指食物嘅寶寶。

主要包括：

i) 蒸淋咗嘅蔬菜同硬質水果，例如：蘿蔔條、蘋果條、梨條、西蘭花。

ii) 熟透嘅軟質水果，例如：切成條狀或塊狀嘅牛油果、香蕉。

iii) 市面上嘅可溶在口寶寶手指食物，例如：粟米條、粟米圈、各類泡芙，一般都會標明適合嘅月齡。分分

2) 需咬斷但可溶在口（Bite and dissolve）

當寶寶出咗門牙就可以嘗試需要咬斷但唔需要用力咀嚼嘅食物。其實即使寶寶仲未有門牙，但牙床夠硬都可以嘗試。適當嘅咬嚼刺激可以增進牙床健康，促進下顎肌肉發展。

i) 含豐富澱粉質嘅根莖類蔬菜，例如：蒸熟咗嘅切條或切塊嘅薯仔、番薯。

ii) 麵包類食物，例如：切成條或小塊嘅無邊白麵包、全麥麵包等等。

iii) 市面上需要咬斷嘅寶寶手指食物，例如：米餅、各類手指餅乾。

3) 需咬斷並咀嚼（Bite and chew）

呢類手指食物需要寶寶具有一定嘅咀嚼能力。

i) 青瓜條（無需蒸煮）和稍微蒸過的蔬菜，例如：蘿蔔條、西蘭花。

ii) 水果薄片或水果條，無需蒸煮。

iii) 短意粉，例如：各種形狀嘅短意粉都可以畀寶寶嘗試，例如長通粉，螺絲粉，蝴蝶粉，以及卡通造型短意粉。

iv) 肉類手指食物，例如： 用魚肉、雞肉或牛肉製成嘅小肉丸或餃子，做成適合寶寶嘅大小。

資料來源：壹讀