懷孕期間女性千祈唔好過量攝取維他命D！有研究顯示，懷孕期間補充維他命D可能會減低BB哮喘風險。不過最新刊載喺《過敏（Allergy）》雜誌嘅研究就發現，懷孕期間維他命D補充過量， BB出現食物敏感嘅機會反而會增加1.5至4倍。
{adv here}
{adv here}
專家建議 多散步同曬太陽取代
有專家建議，媽媽可以用更健康嘅方式補充維他命D，例如選擇散步曬下太陽，而唔係瘋狂食維他命丸，否則不單止會令BB預防唔到哮喘，仲可能出現敏感症狀。
近年越來越多研究顯示， 維他命D除咗可以強化骨骼，仲可以提升免疫力，對神經、肌肉系統都有幫助。
但係究竟維他命D對敏感哮喘等等疾病係唔係真係有效？呢個問題到目前為止仍然無法證實。但德國研究人員Irina Lehmann同研究團隊進行咗相關研究分析，結果發現，懷孕期間維他命D濃度高者嘅子女會較容易出現食物敏感，呢啲小朋友對蛋白、麵粉、花生同埋黃豆等等食物敏感嘅反應相當高（IgE高）。
{adv here}
當中，懷孕期間身體維他命D濃度過高嘅一組女性，生出來嘅小朋友喺兩歲時出現食物敏感嘅機率幾乎係濃度最低組嘅3.66倍。臍帶血入面維他命D最高一組嘅小朋友，喺兩歲嘅時候出現食物敏感機率係最低組嘅4.65倍。
除咗食物之外，研究團體表示，血液中維他命濃度亦受到季節、日曬同埋戶外活動時間影響，建議孕婦唔需要特別食維他命D補充劑。
資料來源：自由時報
