近年有好多針對DHA可以改善抑鬱症嘅研究，甚至有研究顯示，DHA可以幫助產後抑鬱嘅媽媽舒緩症狀。
產婦出現產後抑鬱，係由於產後女性體內嘅黃體激素、雌激素突然大幅減少，對腦部造成影響而導致抑鬱症，再加上產後生活上嘅變化同埋照顧初生BB嘅壓力，容易令產後抑鬱更加嚴重。
{adv here}
{adv here}
攝取大量魚油可以增加腦部嘅血清素。血清素係一種激素，如果體內血清素分泌不足，就會容易抑鬱、煩躁。
而抑鬱嘅人大腦入面，有啲區塊會出現缺血現象，由於魚油可以令到血管暢通，就會減少血管堵塞嘅情況，從而導致區域性缺血嘅問題，可以減少抑鬱症嘅發生。
亦都有研究發現，抑鬱症患者嘅大腦入面，花生四烯酸比ω-3脂肪酸嘅比值較高，花生四烯酸係ω-6脂肪酸，太多會令到身體出現發炎反應而傷害腦部，而DHA 同埋花生四烯酸會互相抑制，當DHA較多嘅時候，會抑制花生四烯酸形成發炎嘅物質，可以減少花生四烯酸對腦部造成嘅傷害。
{adv here}
好多海鮮都含有豐富嘅DHA，研究發現經常食海鮮嘅媽媽，乳汁嘅DHA含量會較高，所以抑鬱症嘅發生率會較低。研究結果顯示，海鮮攝取量同埋抑鬱情況係呈反比，其中日本、香港、新加坡媽媽同南非、巴西、德國媽媽相比，海鮮攝取量較多，產後抑鬱嘅發生率就較低。
仲有研究發現，產後抑鬱嘅媽媽，血清入面嘅磷脂質同埋膽固醇脂嘅DHA及ω-3脂肪酸含量比冇產後抑鬱嘅媽媽少，而ω-6脂肪酸比ω-3脂肪酸嘅比值就比冇產後抑鬱嘅媽媽高，所以媽媽補充DHA，或有助改善產後抑鬱症狀。
資料來源：每日頭條
