問題1：咩係假性宮縮？
懷孕28周後，孕媽有時會感覺到個肚會緊咗硬咗，但休息一陣就冇事，呢啲就係假性宮縮。隨著懷孕周數增加，假性宮縮會越嚟越繁密。
{adv here}
{adv here}
如果每日只係偶爾出現，每次持續嘅時間唔長，冇明顯嘅肚痛、出血等情況，就屬於正常；但如果宮縮頻密，有明顯腹痛、出血等，就要儘快去醫院，避免早產。
問題2：咩情況下更容易出現假性宮縮？
當孕婦情緒過分緊張、過度疲勞（長時間行路休息唔夠）、經常撫摸腹部，睡眠不足，就會有更大機會發生假性宮縮。
問題3：懷孕後期假性宮縮頻密應該點做？
到咗懷孕後期，假性宮縮好常見，一般對孕婦同胎兒都冇影響，不過建議孕婦當現假性宮縮時要多啲休息、多啲做深呼吸（有助於減輕疼痛）、左側睡（有助於增加胎兒血液供應）、注意補水等。
另外，如果假性宮縮嚴重就要睇醫生，醫生會根據情況用藥物抑制宮縮，防止早產或胎兒窘迫嘅發生。
{adv here}
問題4：假性宮縮同真宮縮有咩分別？
假性宮縮可能由懷孕中期開始出現，一般發生喺懷孕28周後，到咗預產期，真係要分娩嘅時候，就會變成真宮縮。當然假性宮縮同真宮縮嘅特點都各有不同。
假性宮縮特點：冇規律、腹痛持續時間短、兩次宮縮之間時間較長；
真性宮縮特點：臨近預產期先會出現，腹痛有規律、持續時間較長、兩次宮縮之間時間越來越短，當宮口開始打開時，大約3分鐘就出現一次宮縮。
資料來源：每日頭條
