一歲後可以飲鮮奶嘅說法其實一早已經係被國際認可嘅常識。但網絡上一直有「奶粉飲到三四歲」、「奶粉比鮮奶容易吸收同消化」等等嘅言論，到底呢啲傳言係咪鋪天蓋地嘅「奶粉廣告」效應？事實上BB一歲後應該飲咩奶呢？
{adv here}
{adv here}
1. 鮮奶難消化？
有人話「鮮奶難消化難吸收」，原因係消化唔到牛奶入面嘅酪蛋白，其實酪蛋白只係消化速度慢而唔係消化唔到， BB加固幾個月後，隨着BB消化系統成熟，對消化酪蛋白唔係一件難事。所以12個月以上嘅BB都可以開始飲鮮奶。
2. 奶粉比較有營養，比鮮奶更適合BB ？
BB一歲前奶粉的確比鮮奶更適合BB嘅營養需求。但一歲後， BB一日三餐入邊所攝取嘅營養素已經足夠。但有啲家長擔心小朋友偏食而令到佢缺少某一種營養，而奶粉永遠都係用DHA、高鈣、有膳食纖維等等做宣傳，令到好多媽媽將奶粉當成小朋友揀飲擇食嘅救星。
3. BB飲咩奶最好？
0-6個月：一定係母乳！如果媽媽真係冇人奶，奶粉就係最好嘅代替品。
6-12個月：繼續堅持母乳！BB開始加固，呢個階段需要攝入富含鐵質 嘅食物。
1歲以上：奶開始唔係主食，唔再係BB主要營養來源，1歲後可以開始飲鮮奶。如果可以繼續餵人奶就當然最好，國際上都鼓勵媽媽母乳餵哺到兩歲。呢個時候， BB飲食基本上同大人一樣，食物種類要豐富先可以達到營養均衡。
{adv here}
4. 邊啲BB一歲後唔適合飲鮮奶？
牛奶過敏：建議BB繼續選擇深度水解奶粉或胺基酸奶粉，慢慢改為適應飲部分水解奶粉，最後先嘗試飲牛奶。
乳糖不耐症：建議進食無乳糖奶粉，慢慢嘗試加工奶製品，例如乳酪等等，慢慢適應後如果冇問題，就可以試下飲牛奶。
資料來源：GreatDaily
