大部分食餸唔食飯嘅寶寶，都係由於食太多零食同養成不良飲食習慣等有關。如果小朋友唔肯食飯，家長都唔應該發佢脾氣，否則會令寶寶形成條件反射，變成討厭食飯。
{adv here}
1) 只給規定的零食
好多唔鍾意食飯嘅小朋友都有一個共通點，就係鍾意食零食。食咗零食，到咗食飯時間就唔會覺得餓，自然食唔落飯，唔食飯又會好快肚餓，之後會食更多零食，形成惡性循環。所以一定要規定每日食零食嘅份量同時間，唔可以超出規定範圍。
2) 等一段時間再食
小朋友唔肯食飯，父母應該等佢情緒穩定後再勸佢食。如果強迫小朋友食飯，反而會令佢對食飯產生反感，以後就更加唔肯食。
3) 準備五顏六色的飯菜
飯菜儘量唔好過於單調。烹調時可以將唔同顏色嘅蔬菜切成絲製成拌飯，例如洋蔥、紅蘿蔔、青瓜，視覺上較吸引，可以增加小朋友嘅食慾。
{adv here}
4) 準備適合小朋友的專用餐具
大人用嘅匙羹同筷子唔適合小朋友使用，因為餐具太大，小朋友喺使用過程中會遇到困難而影響食慾。可愛美觀，大小適中嘅兒童專用餐具有助小朋友對食飯產生興趣。
對於唔鍾意食飯嘅寶寶，強迫進食只會令寶寶反感，從而產生畏懼心理同對立情緒，食慾會因此進一步降低。父母們不妨用鼓勵同遊戲嘅方式改善小朋友只食餸唔食飯嘅偏食行為。
資料來源：GreatDaily
