
好多媽媽選擇紙尿片時都會非常謹慎,一旦揀錯,隨時出現尿布疹、漏尿、大脾罅被肋紅、磨甩皮等情況。所以,選擇一款好用嘅紙尿片,就成為好多媽媽嘅終極目標。
其實,選擇紙尿片唔係一件一勞永逸嘅事。喺不同年齡,寶寶嘅身體發育、睡眠時間、皮膚特點、活動量等等都唔一樣,所以媽媽們要根據寶寶嘅具體情況,選擇最適合寶寶嘅紙尿片。
{adv here}
初生嬰兒期 (0~6個月)
小寶寶嘅皮膚特別薄同嬌嫩,皮膚表層厚度只有成人嘅1/3,容易受到外界刺激而引起敏感、皮膚炎等情況。
另外,呢個時期嘅寶寶新陳代謝旺盛,出汗比較多,再加上睡眠時間相對較長,一日有10幾個鐘頭都係瞓覺,寶寶活動量好少,基本上紙尿片會一直貼住寶寶屁股。如果選擇咗唔適合嘅紙尿片,就好容易引起紅屁股,亦即係尿布疹,或者引起過敏感等問題。所以,初生嬰兒嘅紙尿片,最重要係柔軟度、舒適度同透氣性,一定要選擇純棉面料,亦都要注意導流設計,因為要保持面層乾爽舒適,就要將尿液快速吸收到下一層。
嬰兒學爬期(6~12個月)
寶寶從6個月大起,活動量就開始增加,識得轉身、坐,仲逐漸開始學爬,活動量一日比一日多。呢個階段如果紙尿片腿圍過鬆或者冇防側漏邊,就容易發生漏尿;如果腿圍過緊,又會勒到寶寶嘅大脾罅,導致大脾罅摩擦變紅,甚至磨損。所以,為學爬期寶寶選擇紙尿片,防漏設計以及貼合人體設計都係非常重要嘅指標。
{adv here}
要判斷一款紙尿片嘅防漏性能,關鍵係腿圍部分嘅設計,防漏隔邊層數越多、寬度越寬、隔邊橡筋嘅彈性越大,防漏性能就越好。腿圍部分建議選擇立體U型剪裁,更符合人體工學,更貼合體形,不但有效防止側漏,仲可以令寶寶活動更自如。
學行期(13個月以後)
一歲後嘅寶寶處於學行期,部分寶寶已經識行,探索世界嘅好奇心進一步增強,開始對瞓低換尿片顯得反感。所以呢個時候應該轉用容易穿脫、容易更換嘅紙尿片,例如拉拉褲,設計就好似一條小內褲,直接穿脫。除嘅時候只要將兩邊撕開就可以,非常方便。
另外,由於寶寶活動時間越來越多,更換紙尿片嘅頻率會隨之下降,呢個階段嘅寶寶尿量更大,如果紙尿片嘅吸水功能唔夠好,就容易出現「過底」情況。
講到吸水功能,除咗上面已經提及過嘅導流系統同純棉面料,更加離不開強大嘅SAP吸水芯體。SAP係一種功能高分子材料,吸水量大,而且吸水後會立即變成凝膠狀,保水力強,即使10公斤重嘅寶寶用力坐上去都唔會擠壓出水分。另外,要盡量選擇有雙層SAP嘅紙尿片,SAP分佈會更均勻。
資料來源:Q博士