一到秋天，天氣乾燥，好多小朋友都會流鼻血，到底點解小朋友秋天特別容易流鼻血呢？

1) 致敏源增加
天氣變‍化令到致敏源增加，導致小朋友出現過敏反應。小朋友覺得鼻痕唔舒服就會用手去挖，從而容易導致鼻粘膜受傷而流血。

{adv here}

2) 鼻腔乾燥
踏入秋天，天氣變得越來越乾燥，小朋友嘅鼻腔敏感就會變得乾燥唔舒服，容易導致鼻腔微絲血管爆裂，引起流鼻血。

如何預防小朋友流鼻血？

1) 保持鼻腔滋潤
秋天天氣乾燥，為咗預防小朋友因為鼻腔乾燥而流鼻血，最好嘅辦法就係保持鼻腔滋潤。家長應該保持環境濕潤，可以喺小朋友房間放一個加濕器。

2) 減少致敏源
父母應該提前預防小朋友出現過敏反應，要經常打開窗門令空氣流通，盡量令小朋友少接觸毛絨玩具，屋企有寵物嘅話，要經常幫佢哋沖涼。

{adv here}

正確止鼻血方法

1) 切勿躺下，應該坐直，頭略向前傾;

2) 用乾淨紙巾輕輕捏住小朋友鼻前部兩側軟骨部分5 ～10分鐘，並用凍嘅濕毛巾敷喺額頭同鼻子，令血管收縮減少出血;

3) 叫小朋友吐出口中液體。如果流血仍未止，再次捏住鼻翼10分鐘，然後鬆開，如果鼻翼仍在出血，再捏一次。

資料來源：Q博士