分娩過程順利與否同產婦有冇正確用力有密切關係，特別係採用無痛分娩嘅產婦，對於痛嘅反應相對變得較為遲緩，喺生產過程當中往往出現用力不集中或者用力不正確嘅情況，所以了解同學習正確嘅用力方法，係非常重要。
{adv here}
1) 第一產程
產婦嘅第一產程通常都係喺待產室度過，這個時候唔需要用力，調整好情緒，保存精力，迎接分娩。
2) 第二產程
當產婦由待產室進入產房，上咗產床，第二產程就開始，呢個時候需要配合醫生，把握好用力嘅時機，將胎兒順利推出。
保持正確姿勢
喺分娩過程中，用力嘅姿勢非常重要。喺產床上用力時，注意腰部同背部要貼住產床，為身體形成一個穩定嘅支撐點；雙手應該緊握產床扶手，盡量將下顎貼住心口，氣力會比較集中。當醫生提示可以休息一下，就可以全身放鬆，儘快恢復體力。
{adv here}
配合醫生用力
產婦應該根據醫生嘅指示，主動配合宮縮反覆嚟進行深呼吸、憋氣、用力。呢個時候，首先可以輕輕呼吸，然後就深呼吸，空氣進入胸腔後先吐出少量然後憋住，當宮縮達到極點時，就好似排便咁，向肛門方向用力推，如此重覆多次，直到胎頭露出；呢個時候由於陰道口擴展到最大，不宜進行憋氣用力，可以根據醫生要求，進行輕輕快速呼吸；最後喺醫生嘅幫助下，利用宮縮產生嘅壓力將寶寶順利娩出。
3) 第三產程
產婦喺胎盤娩出之前要注意唔好用手摸住個肚，以免刺激子宮提前收縮，影響胎盤娩出。
錯誤用力方法
1) 大聲吵鬧，全身亂動
生產過程痛苦，產婦難免會發生哭喊，但要注意避免大聲吵鬧、全身亂動，否則產婦配合唔到醫生嘅指示，會導致分娩時間延長，仲會造成體力過度消耗，到真係需要用力嘅時候已經冇氣力。
2) 胎頭即將娩出時用力
胎頭露出時，應該避免繼續向下憋氣用力，否則可能會令胎兒太快娩出，宮頸、陰道特別係會陰嚟唔切擴張而造成嚴重撕裂。
資料來源：健康猴
