結婚唔係兩個人嘅事，而係四個人嘅事， 除咗你兩公婆，仲有你媽媽同佢媽媽，結咗婚，就意味住一場無形戰爭即將開始，要準備同奶奶過招。
婆媳關係處理得唔好會影響兩夫妻嘅感情，想同奶奶相處融洽，新抱們要注意以下幾點。
{adv here}
奶奶的「虛榮心」
讚美說話有邊個唔鍾意聽？老人家同小朋友一樣都要人氹，平時要多啲對奶奶講讚美說話，例如讚佢個樣後生，煮飯好好食等。不竟讚美說話冇人會嫌多。
命令老公
從古至今中國就有男尊女卑嘅觀念，你命令你老公做嘢，奶奶一定睇唔順眼，覺得個仔俾你「恰」，所以千祈唔好喺奶奶面前咁做。
同老公表現親熱
喺奶奶面前表現親熱係大忌，佢會覺得自己個仔俾第二個女人搶咗，會產生妒忌心。
向老公告狀
如果奶奶向你老公告狀，就要睇吓佢嘅指責有冇道理，如果冇道理，就要指引你老公從中調停，千祈唔好自己去同奶奶對峙。
{adv here}
不能對奶奶說的三句話
1)「您唔駛理喇，您都唔識」
處理家務或者照顧小朋友時，呢句說話就大派用場。你可能覺得冇咩大不了，但其實呢種說話最傷老人家嘅心。雖然佢可能真係唔識，但並唔代表佢冇能力、冇見識，更加唔可以剝奪佢擁有自己個仔同孫嘅權利。而你一句「您唔識」就完全將佢排除咗喺整件事之外。
2)「我個仔（我個女）」
好多媽媽都會不由自主咁稱呼子女做「我個仔（我個女）」。不過，如果俾奶奶聽到，佢心裡面會諗：「咩你個仔，佢夠係我個孫！」。所以，呢類帶有強烈歸屬感嘅叫法雖然冇錯，但就會令奶奶感覺到有危機。想避免婆媳矛盾，建議你喺奶奶面前，將稱呼改成「您個孫」。
3)「你阿媽」
對於大部分嘅新抱，要將奶奶當成係自己親生媽媽幾乎係冇可能嘅事。好多人喺老公面前提及奶奶時， 都會講「你阿媽……」。如果奶奶聽到你咁樣稱呼佢，一定會唔高興。
資料來源：每日頭條
相片來源：我的野蠻奶奶劇照
