當寶寶開始學行，對行路充滿好奇，佢會不停走來走去，反而唔想畀人抱。但當寶寶掌握到行路嘅技能，佢會開始抗拒，想回到爸媽嘅懷抱，唔肯自己行。呢個時候，你可以試試以下方法。
{adv here}
1) 讓走路的過程更有趣
令行路嘅過程充滿樂趣，例如學兔仔跳，唱歌，睇風景，通常都可以轉移到寶寶嘅注意力。寶寶亦都會被路邊嘅新發現吸引，例如發現搬緊食物嘅螞蟻，父母唔好阻止佢同催佢，畀寶寶盡情探索。
2) 讓寶寶幫你的忙
寶寶總係樂於助人，你可以叫佢幫手拎一啲輕嘅物品，或者畀個小背包寶寶孭住，要佢好好看管自己嘅物品，通過呢個方式，寶寶會覺得自己已經長大咗。
{adv here}
3) 和寶寶保持同一高度
有時，寶寶會覺得周圍嘅人好高大，而自己就好細粒，會因為咁樣而覺得行路好有挫敗感，如果你跪低同寶寶保持同一高度，就會幫助到佢舒緩比別人矮小嘅感覺，所以，經常跪低望住寶寶嘅眼睛說話，或者畀寶寶一個擁抱，都可以緩解寶寶嘅緊張壓抑情緒。
4) 要表揚寶寶走路
寶寶自己行完一段路，要表揚吓佢，「行咗咁耐都冇叫人抱，大個仔喇喎」。要畀寶寶知道佢已經長大，可以做好多有趣嘅事，而爸媽抱住佢係做唔到嘅。
5) 做個約定
如果寶寶一定要抱，可以做個約定，「行到前面架藍色車先抱啦。」抱起行一段路再放低畀佢自己行。重複交替，直至到達目的地。
資料來源：每日頭條
