1. 唔好畀小朋友覺得攻擊人會得到好處
有啲小朋友經常用暴力來搶奪或者示威,父母唔應該畀佢哋透過呢種攻擊行為獲取任何利益。如果佢哋覺得攻擊他人就可以獲得自己想要嘅嘢,佢哋就會越嚟越鍾意用攻擊人來達到自己目的。
{adv here}
{adv here}
2. 家長要以身作則,做好榜樣
父母同小朋友玩遊戲互動嘅過程中,唔好做用手拍打嘅手勢,唔好喺小朋友面前睇暴力影片,因為小朋友唔識分辨是非,會嘗試對其他人做出一樣嘅動作。如果家長經常有體罰小朋友,佢哋就會潛移默化模仿父母嘅做法,覺得唔開心嘅時候就會莫名其妙咁打人。
3. 停止溺愛,培養正確社交觀念
有啲家長過分溺愛子女,小朋友打人嘅時候唔去阻止,喺一邊袖手旁觀。而小朋友俾人打嘅時候,亦都不分青紅皂白,未了解清楚就叫小朋友還手。呢種以暴制暴嘅諗法對小朋友成長百害而無一利。正確做法要嚴厲制止小朋友攻擊人,等佢平靜落嚟,再同佢討論一下事情經過,話畀佢知攻擊行為係不受歡迎等等,令小朋友知道自己做錯,並且學識控制自己嘅情緒,用平和嘅方式去處事。
資料來源:雪花新聞
{adv here}