莫扎特、貝多芬、蕭邦、舒曼、李斯特、勃拉姆斯等西方偉大嘅鋼琴家係由3至6歲開始學鋼琴。
根據科學研究，小朋友嘅生長發育首先係由大肌肉活動開始，然後再到小肌肉嘅細膩動作，而彈琴就正正需要技巧性嘅小肌肉動作，需要好多耐性。對於年紀咁細嘅小朋友來講，身體缺乏協調性令佢地唔能夠長時間坐定，呢個時候學琴只會適得其反。
{adv here}
{adv here}
另外，鋼琴嘅結構同手風琴、電子琴呢類樂器唔同。手風琴同電子琴嘅琴鍵屬於觸式，手指輕輕一按就會發聲，但係彈鋼琴需要30克嘅力先可以彈到一個音(低音區需要嘅力仲大)。如果小朋友年紀太細學琴，就唔能夠達到呢個力度嘅要求，唔單止唔可以好好咁彈鋼琴，時間耐咗仲會對小朋友手指嘅正常發育造成傷害。
小朋友幾多歲開始學琴最好？
喺生理學角度來講，小朋友4至5歲之後，無論大腦嘅發育，定係注意力、認知能力、理解力等呢幾方面都已經有好好嘅基礎。喺多年嘅教學實踐入面，教育工作者都發現，年紀比較大嘅小朋友接受能力更強、自覺性更高、學習進度更快。大多數情況下，4至5歲年齡層嘅小朋友學一年甚至可以比得上3至4歲嘅小朋友學幾年。
{adv here}
喺小朋友5歲左右嘅階段，皮質細胞已經大致分化完成，中樞神經系統更趨向成熟，肌肉嘅發育亦都開始完善，而學鋼琴就係需要呢啲生理條件。鋼琴界一般認為女孩子喺4至5歲，男孩子喺5至6歲就可以開始學琴。
但係，因為每個小朋友嘅發育進度都唔同，身體條件同埋智力發育亦都唔同，所以對於小朋友究竟幾歲開始學鋼琴最好都冇嚴格嘅界定，要考慮小朋友自身嘅具體條件，唔好定一個學鋼琴嘅最佳年齡畀小朋友。
舉例來講，一個得3歲嘅小朋友，身體各部位特別係手部骨骼發育得特別好，辨別能力、智力、聽力都達到要求，咁樣情況下嘅小朋友就可以提前學琴；相反，一個已經5歲嘅小朋友，如果各方面生理條件都唔符合要求，就要延遲幾年等各項條件達標先開始學琴會更理想。
資料來源：每日頭條
