青春期係男孩子發育嘅黄金期，發育期營養不良好容易導致發育不良。青春期男孩喺飲食上應該注意以下4點。
{adv here}
1) 少男膳食注意「二高」
「二高」即係高熱量同高蛋白。青春期少男生長發育需要食物中提供嘅熱量，體力活動增加亦都需要更多熱量去維持。所以，要確保青少年每日都可以攝取足夠嘅熱量同蛋白質。動物食品，包括雞、魚、豬、牛、蛋乳類食物等都含有豐富蛋白質，豆製品亦可以提供植物蛋白質，經常攝入豆製品有助增加營養。
2) 穀類食物攝入十分重要
穀類食物包括稻米、麵粉、小米、粟米及燕麥等，係人體熱能嘅主要來源，同時穀類提供嘅蛋白質、鹽份同維他命B都喺膳食中佔一定比例。一般而言，13~17歲嘅青少年，每日攝入嘅穀類食物唔應該少過500克。
{adv here}
3) 多食含鈣、磷等礦物質的食物
青春期少男骨骼發育比較快，應該食多啲含鈣、磷等礦物質豐富嘅食物，如海帶、乳製品、豆製品等。另外，每日應該進食400克～500克嘅新鮮蔬菜，保證維他命、礦物質同纖維嘅攝取量。
4) 遠離垃圾食物
快餐食品大多數含高脂肪、高糖、高蛋白質，例如炸雞、炸薯條、漢堡包、雪糕等，長期進食對身體有害無益，暴飲暴食更會傷及脾胃，影響其它食物嘅攝入，出現肥胖情況，以及增加成年後患心血管疾病嘅機會。所以，想為身體打好基礎，就應該注意青春期嘅營養攝取。
資料來源：壹讀
