新手媽咪症候群1：抑鬱
抑鬱係最常見嘅產後症狀之一，原因包括女性荷爾蒙驟降、生產過程受到驚嚇、身體虛弱、傷口痛同埋照顧BB時遇到困難等等，按輕重程度大致可分為兩種：一種係比較輕微嘅情緒低落，症狀包括頭暈、頭痛、失眠、發惡夢、易喊等等，通常係產後3至10日就會自然消失，唔需要特別治療。另一種係產後抑鬱，症狀包括長期心情低落、容易疲倦、失眠、食欲不振、對鍾意嘅人同事失去興趣、覺得自己冇能力照顧小朋友，所以會產生罪惡感，嚴重嘅甚至會有傷害自己嘅念頭。
{adv here}
{adv here}
新手媽咪症候群2：焦慮、恐慌
產後焦慮症患者通常喺懷孕前就已經有容易擔心、緊張嘅傾向，當產後冇獲得另一半或者其他親友嘅支持、照顧BB時受到外在因素影響，或者照顧BB之餘仲要承受其他壓力，就會出現焦慮反應，症狀包括心理上嘅昏沉、潮熱、心悸、心跳加速、泌乳減少、變瘦、胃口差、專注唔到眼前事物，同埋過度擔心自己同BB嘅狀況、對鍾意嘅事物失去興趣、容易長時間覺得緊張沮喪等等，亦會因為呢啲症狀失去自理生活同埋照顧BB嘅能力。
{adv here}
恐慌嘅表現同焦慮相似，但心理症狀更加明顯，患者多數會有嚴重心悸，產生「呼吸就快停止」、「呼吸急促到就嚟暈低」、「驚自己會失控」或者「緊張到覺得自己就嚟死」嘅感覺。
新手媽咪症候群3：暴躁、易怒
暴躁、易怒衍生嘅具體表現其中一個就係經常對老公同子女發脾氣，呢個唔係病理症狀，而係壓力嘅象徵，大部份新手媽媽都有類似感受。新手媽媽通常要承擔大部份照顧BB嘅責任，需要喺生活上做出好大改變，但係丈夫同家人未必理解到媽媽所面對嘅轉變同挑戰，喺缺乏照顧同支持下就好容易會覺得憤怒。
資料來源：華人健康網
