懷孕初期
大部分準媽媽都會出現妊娠反應，胃口欠佳。懷孕初期胎兒仲未成型，其實需要吸收嘅營養唔多，呢個階段可以進食一啲營養豐富嘅開胃零食。
紅棗：營養價值高，含有鐵質同維他命C等營養素，具有補充氣血嘅作用，可以用紅棗沖水飲或者煲粥，但切記要注意份量，否則容易肚脹。
{adv here}
{adv here}
海苔：海苔營養豐富，含有各種維他命B，維他命A、維他命E，仲有大量礦物質，而且低熱量低脂肪，膳食纖維豐富，飽腹感強。
核桃：核桃營養價值高，含有豐富維他命E同磷脂、亞麻酸等，有助促進寶寶大腦發育，但要注意核桃嘅脂肪含量比較高，進食過量容易致肥。
西梅：酸酸甜甜，有開胃效果，可以舒緩懷孕期間胃口不佳嘅情況，而且西梅含有豐富維他命同膳食纖維，不易致肥。
懷孕中期
懷孕中期胎兒快速發育，準媽媽需要攝取更多營養同能量，建議進食低熱量高營養嘅零食。
提子乾：提子乾含有鐵質同維他命C，可以補充鐵質，舒緩貧血，仲可以預防產後期出現的水腫情況。但提子乾糖分含量較高，糖尿病或較肥胖嘅孕婦不宜食用。
{adv here}
南瓜子：中醫認為，南瓜子性平味甘，而且營養全面，含蛋白質、脂肪、鈣質、鐵質等，營養成分容易被人體吸收。
懷孕後期
懷孕後期胎兒發育成形，對鈣質等營養素需求大，進食礦物質豐富嘅零食就最好不過。
堅果：蛋白質、礦物質、維他命等成分比較高，為胎兒腦部發育提供營養，亦都有助降低心腦血管疾病風險。
全麥麵包：如果懷孕期間出現便祕情況，可以試試進食全麥麵包，膳食纖維豐富，能夠促進腸道蠕動，同時，各種營養物質都好全面，低熱量低脂肪，不易致肥。
蘋果：唔好睇少蘋果，佢可以促進胎兒骨骼同牙齒發育，仲有助準媽媽對抗產後抑鬱，豐富膳食纖維可以促進腸道蠕動，舒緩孕期便祕。
無花果：無花果含有豐富膳食纖維、果膠、鈣質、鐵質、氨基酸等，可以舒緩孕期便祕。
資料來源：找話題
