雖然食物敏感並唔罕見，但家長都必須確保小朋友唔會攝取到有過敏源嘅食物，甚至任何有可能通過口腔同氣管嘅日常用品。根據《CNN》同《FoxNews》報導指出，美國加州一名11歲女童Denise Saldate因為用咗含有乳蛋白成分嘅牙膏導致急性敏感發作，搶救後證實不治。Denise嘅媽媽Monique Altamirano表示，呢隻牙膏係佢哋嘅家庭牙科醫生推薦，冇諗過會令到囡囡死亡。
{adv here}
{adv here}
Denise 喺嬰兒期就被驗出有乳蛋白敏感嘅基因，所以父母由佢一歲開始已經特別注意佢嘅飲食，但呢次竟然係因為使用牙膏而發生過敏症狀，屋企人就話Denise用牙膏刷牙後冇耐，嘴唇就開始發紫，同埋呼吸困難。雖然屋企人有按照醫護人員嘅指示幫Denise做CPR，但係入院後仍然因為佢對腎上腺素同吸入劑冇反應，最終宣告不治。Monique指出，引起過敏反應嘅牙膏囡囡都好少用。呼籲所有父母，只要仔女有食物過敏基因，就要特別注意呢類日常用品嘅原材料成份。
食物過敏容易致命？家長應該注意產品成份標籤
Denise因為用咗含有蛋白質牙膏，引起食物敏感而死亡嘅事件傳出，就連兒科醫生都覺得好罕見，始終食物入邊會引發敏感嘅蛋白質成分，同非食物性嘅藥用產品同日用品性質好唔同。而一般來講如果冇大量攝取，產生咁強烈嘅敏感反應機率都非常低。
{adv here}
醫生指出，因為食物敏感反應而死亡嘅機率比被雷電擊中仲要低，所以奉勸家長唔需要過分恐慌。但係詳細閱讀食品嘅成份標籤係必須嘅，仲應該同醫護人員確定邊啲食品或者成份有可能引發氣喘等等症狀，甚至因情況要帶腎上腺素作急救用途。由過往數據嚟睇，食物敏感造成死亡大多數同引發氣喘疾病反應有關，而且多數都係因為未能喺黃金時間注射腎上腺素搶救。
資料來源：ETtoday