產後嘅媽媽們除咗要適應生活上嘅轉變，仲要面對心理同生理變化帶來嘅壓力，其中最引起媽媽共鳴嘅話題一定係「產後脫髮」。產後嘅脫髮量可能比平時嘅脫髮量多接近10倍，令到好多媽媽都擔心能否回復產前嘅狀態而引起壓力，造成更加嚴重嘅脫髮，唔通產後脫髮真係冇得救？
{adv here}
{adv here}
頭髮生長週期
頭髮嘅生長過程分為三個周期，分別係生長期、退化期同埋休止期，生長期大概可以維持二至五年左右，之後就會進入休止期同埋退化期；而孕婦體內分泌可以延長頭髮嘅生長期，所以懷孕期間嘅頭髮會變得又黑又粗，但係生完BB之後就會進入脫髮階段。
點樣為之脫髮異常現象？
幾乎所有媽媽都會出現產後脫髮嘅現象，但係症狀就有分輕重，醫生表指：「可以用食指同中指夾住發根輕輕力拉，一般脫髮量只會有兩條以下，五條以上就算係異常，而產後嘅媽媽可能就會甩10條左右，如果數量遠遠超出呢個範圍，建議媽媽搵皮膚科醫生檢查。」
{adv here}
點樣改善產後脫髮？
方法1：溫柔清洗頭皮
媽媽洗頭嘅時候應該避免用指甲刮頭皮，因為刺激到頭皮會令脫髮量變得更多。過度用力按摩頭皮，都促進唔到血液循環同埋增加毛髮生長。
方法2：整理頭髮有秘訣
如果擔心脫髮太過頻密，整理頭髮嘅時候將馬尾輕輕紮起固定頭髮就可以，千祈唔好綁得太緊，避免拉扯頭皮；建議媽媽可以每日更換唔同嘅造型，令頭髮分界嘅部份可以有所改變，先至唔會因為固定分同一條界而影響附近嘅頭髮重新生長。
資料來源：華人健康網
