數據顯示：兩夫婦喺一切正常嘅情況下，喺25歲嘅時候，每月自然受孕率有20％，每年就有80％；到咗35歲，每年自然受孕率只有40％；而到咗38歲，自然受孕率會每月下降一半；到咗40歲，自然受孕率已經非常低。歐洲有個最新嘅統計：有部分女性喺絕經之前7至8年，已經喪失咗生育能力。今次就同大家分析吓，女性喺25歲同35歲生小朋友到底有乜嘢分別。
{adv here}
{adv here}
1. 卵子嘅質素
25歲嘅女性，體內卵子嘅質素係女性身體發展階段中最好嘅時候。因為醫學鑒定顯示，女性最佳生育年齡係23-28歲。
因此，越遲生寶寶，卵子受到環境同污染嘅影響就會越大，卵細胞嘅質量亦都會跟住下降，容易出現卵子染色體異常，而令到寶寶畸形。呢個亦都係35歲以上女性生寶寶所面對最大嘅風險。
寶寶患有唐氏綜合症嘅發生率會隨住懷孕媽媽嘅年齡增長而倍數咁增加，醫學研究預測：如果25-29歲嘅時候係大約0.11%的話，30-35歲就會增加到0.26%，36-40歲甚至會升到0.56%。
2. 生產方式
25歲比起35歲，順產會容易得多。因為25歲嘅女性，子宮伸縮能力強、產道彈性良好、骨盆嘅關節亦都好柔軟，順產嘅基本生理條件都具備。而35歲生寶寶就會面臨難產危險，所以35歲後生產嘅媽媽多數會選擇開刀。
3. 妊娠並發症
妊娠並發症係高齡產婦面對嘅第三大風險。由於年紀偏大，高齡產婦當中有唔少人都會有輕微嘅糖尿病或者高血壓，只係平時身體機能正常，所以察覺唔到。
{adv here}
高齡生育仲有可能會令身體出現癌變。根據最近嘅流行病學調查結果顯示，35歲以上首次生寶寶嘅女性，患上乳腺癌嘅機會率比30歲前首次生寶寶嘅女性高好多，首次生產年齡越大，患有乳腺癌嘅機會就越高。
4. 產後恢復
25歲嘅婦女新陳代謝同埋細胞再生功能都比35歲嘅婦女優勝。生完寶寶之後配合適當嘅調理，半年之內就會恢復身材，如果係順產，私處配合適當嘅運動亦都會逐漸恢復緊緻。而高齡產婦本身嘅恢復能力就較差，有唔少高齡產婦順產生完之後，會出現陰部疼痛、性交疼痛、子宮脫垂等等嘅問題。
資料來源：雪花新聞
