Posted on Leave a comment
PT話題

【點解3歲大嘅小朋友仲會尿床?】

點解3歲大嘅小朋友仲會尿床?

同事嘅囝囝今年3歲都仲會尿床,而同齡小朋友一早就已經冇出現尿床現象。同事帶囝囝去醫院做檢查,醫生表示小朋友尿床同太遲戒尿片有關。究竟幾時戒尿片同尿床有咩關係?小朋友應該幾歲戒尿片呢?

{adv here}

太遲戒的危害
寶寶太遲戒尿片會影響排便習慣,習慣咗用尿片就唔會形成到忍尿嘅意識。長時間使用尿片,仲會令寶寶嘅私處無法保持時刻乾爽,泌尿系統容易發炎,特別係女寶寶。

最佳戒尿片時間
一般嚟講到咗2歲,家長就可以逐漸減少寶寶使用尿片嘅次數,例如只限夜晚使用,或者去街時使用。到寶寶3歲大就要開始完全戒用尿片,逐漸培養寶寶嘅如廁意識。如果寶寶出現以下表現,就表示家長可以開始幫寶寶戒尿片。

1) 寶寶開始有排尿意識,亦即係寶寶會運用表情或者語言來表達自己有尿意;

2) 寶寶開始對如廁感興趣,會觀察大人係點樣去廁所,對馬桶產生好奇心;

3) 寶寶尿床嘅次數越來越少,瞓覺時會因為有尿意而扎醒,日間尿濕尿片嘅次數亦都減少。

{adv here}

如何戒尿片?
可以買一個兒童專用訓練坐廁,話畀寶寶知如果想去廁所,就要好似大人咁坐喺坐廁上面,寶寶一般都好嚮往大人嘅生活,所以會好樂意用訓練坐廁。日間畀寶寶著內褲,減少使用尿片嘅時間,畀寶寶慢慢習慣。

家長要根據寶寶嘅實際情況,選擇正確嘅時機去幫助寶寶戒尿片,唔好因為怕麻煩,就一直畀寶寶用尿片,咁做只會阻礙寶寶嘅成長。

資料來源:每日頭條

標籤:
發佈留言

發佈留言必須填寫的電子郵件地址不會公開。 必填欄位標示為 *