相信所有父母都知道小朋友攝取過量糖分，會對身體造成負面影響。但家長又應唔應該完全禁止小朋友食糖呢？應該點樣幫助小朋友學習節制食糖？
{adv here}
1. 不主動提供，減少環境誘惑
父母應該先儘量減少環境中嘅誘惑，應該以身作則，如果唔想小朋友食甜食，首先就要唔好再買甜食，將糖果、朱古力餅等放喺屋企，或者喺小朋友面前食糖，減少佢哋接觸甜食嘅機會。
{adv here}
2. 將心比心，允許小朋友適度享受
好多長輩、親戚朋友都會將糖果送俾小朋友作為小禮物。即使小朋友平時已經養成唔食糖嘅習慣，父母都應該教導佢哋要有禮貌，喺收到禮物後，應該向對方講聲多謝。如果小朋友好少食糖，而對方俾嘅份量唔多，畀小朋友偶爾食少少糖果也無妨。試想吓我哋大人返工覺得「冇電」嘅時候，都會想食少少零食輕鬆吓「叉叉電」，雖然明知零食唔健康，但仍然會渴望食幾啖，所以我哋應該將心比心。
{adv here}
3. 提供代替品
如果父母完全禁止小朋友食糖，小朋友往往會更加想食，反而容易導致小朋友趁父母唔喺屋企時，更加無節制咁偷食甜食。父母不妨提供其他選擇俾小朋友作為甜食嘅替代品，例如，新鮮水果、乾果、鮮榨果汁等，可以畀小朋友品嘗到甜味之餘，又唔會攝取太多糖分。
資料來源：華人健康網
