印度北方邦巴雷利市(Bareilly)一名媽媽因為擔心3歲兒子嘅尿床問題而決定帶佢去睇醫生，結果意外發現佢竟然係因為太沉迷玩手機，連放低部手機一分鐘都唔捨得，所以先冇去廁所，導致每晚尿床。
{adv here}
{adv here}
醫生Mann Kaksh表示，男童每日都會用手機睇哆啦A夢等動畫長達8小時， 久而久之養成機不離手嘅習慣。男童嘅媽媽表示，係因為想專心做家務先俾兒子玩手機，結果令小朋友玩上癮。男童喺醫院就診期間，唔俾爸媽同醫生講嘢，要有手機喺手先肯乖乖合作。
{adv here}
精神科醫生指出，呢啲案例其實並唔罕見，單單係呢間醫院喺2個月內已經接獲40宗類似案例，大部分患者都係10歲至18歲嘅青少年，「大多數患者都係好細個就開始接觸手機，佢哋活喺虛擬世界入面，無視學習同埋睡眠，只要離開手機就會覺得焦慮不安」，家長應該要限制小朋友使用電子產品嘅時間，同埋抽多啲時間陪小朋友玩，先係解決問題嘅最有效方法。
資料來源：ETtoday
