好多家長餵寶寶食飯時，只會關心有冇將寶寶餵飽。其實0~3歲嘅寶寶正處於學習自己進食嘅階段，呢個時期應該儘量畀寶寶鍛煉吞咽能力、咀嚼能力、手部控制、以及肌肉協調能力。除咗寶寶學習上嘅問題，以下有幾個餵食誤區，你又中咗幾多個？
{adv here}
1) 太早或太遲加固
有啲家長過份心急，寶寶得3個月大就被餵食半固體、固體食物，咁做會傷害寶寶嘅消化系統，而且營養吸收方面都會受到影響。寶寶喺呢個時期腸胃仲係好脆弱，只適合餵食液體食物。寶寶4~6個月大時，應該開始加入固體食物作為母乳或配方奶嘅補充，太遲加固會導致營養不良，影響寶寶嘅發育同健康。
2) 飲食不健康
應該遵守清淡飲食嘅原則，控制油、鹽、糖嘅攝入，從小培養健康飲食習慣，要避免過甜或過咸，亦都唔需要添加其他調味料。另外，除咗精製嘅米同麵，應該畀寶寶食多啲雜糧，同埋少食垃圾食品。
{adv here}
3) 食飯變成交易
好多家長餵寶寶食飯時都會出現「追著餵」嘅情況，甚至同小朋友 「討價還價」， 例如，要邊睇電視邊食飯先肯食。但其實食飯本身係身體需要、健康需要，唔應該將佢變成一種「不正當」嘅交易。
資料來源：iFuun