好多家長認為「小朋友肥少少唔緊要」、「大個自然會瘦返」，但其實3~5歲係「脂肪細胞反轉期」，如果喺呢個時期小朋友因為食太多、運動太少而導致過肥，會令小朋友身體產生過多脂肪細胞，從此就會養成「易肥體質」，將來死於冠心病嘅機會率會比一般人高出5倍。
{adv here}
小朋友由出世開始，脂肪細胞就開始逐漸減少，直到3歲開始進入「脂肪細胞反彈期」，脂肪細胞數量會逐漸增加，到咗大約5歲就會停止，而最終嘅數量，就會係你一生人嘅脂肪細胞數量。如果小朋友喺呢個時期過肥，脂肪細胞數量增加太多，就會造成「易胖體質」。舉個例，身體有100個脂肪細胞嘅人，增肥速度絕對比只有40個脂肪細胞嘅人快，減肥速度都會更慢，減肥過程會更辛苦。
{adv here}
肥胖嘅小朋友，除咗長大後比較容易肥，身體健康都會比一般人容易出問題。外國有研究顯示，青少年肥胖者，將來死於冠心病嘅風險係正常體重人士嘅5倍，患上糖尿病、心血管疾病、脂肪肝、膽結石、睡眠窒息症等疾病嘅機會率亦都較高。
資料來源：中時電子報
