懷孕期嘅負面情緒不容忽視，如果只係間中出現，都唔會影響家庭和諧，但係如果有抑鬱嘅症狀，就應該要及早發現同埋治療。
{adv here}
{adv here}
抑鬱症嘅徵兆
以下係抑鬱症嘅9大症狀，如果符合5個以上，而且每日都經常出現，持續超過2星期，同埋已經影響緊日常生活，就可能有輕度抑鬱嘅傾向，建議尋求醫生診治。
1. 抑鬱心情持續一整日。
2. 經常有自殺念頭。
3. 瞓得太多或者太少。
4. 冇咗活動嘅快樂同埋樂趣。
5. 心緒不寧或者煩躁不安。
6. 冇胃口食嘢、體重下降。
7. 覺得內疚、冇自信或者自我價值感好低。
8. 集中唔到注意力、記憶力衰退。
9. 疲勞或者冇哂精神。
{adv here}
4個方法令懷孕期過得愉快
1. 曬太陽
日光照射對人體荷爾蒙有好大影響，每日沐浴喺陽光下15分鐘，可以幫助血清素提升，建議懷孕媽媽著長袖衫或者擦防曬乳霜之後，俾陽光直接照射身體。
2. 多做運動
一般人需要「每星期3次、每次30分鐘」嘅運動量，建議懷孕媽媽可以比一般人一星期多1至2次、行多啲路同埋多啲接觸大自然。
3. 補充魚油
研究發現，高劑量嘅魚油唔單止有預防抑鬱症嘅效用，仲可以做到治療嘅效果，建議懷孕媽媽喺醫生嘅指示下服食，確保孕懷期安全。
4. 放鬆練習
透過每日嘅放鬆練習，令放鬆成為習慣。
腹式呼吸：吸氣嘅時候，肚要漲起、吐氣嘅時候，肚要內縮，盡量放慢速度，每節做3至5次，懷孕後期，肚皮漲起同內縮可能冇咁明顯，慢慢吸氣同呼氣就可以。
漸進式肌肉放鬆法：瞓低或者坐喺有靠背嘅櫈上面，透過收緊自己嘅各部位肌肉（例如：收緊眉心、咬緊牙根、緊握拳頭、用力拱背、腳尖用力向下壓等），
再逐漸慢慢放鬆，進行嘅時候，由大肌肉做到小肌肉，由上至下做，細心感受各肌肉收緊與放鬆，透過感受肌肉，令心情逐漸放鬆，每日練習1至2次。
資料來源：華人健康網
