想將來嘅寶寶健建康康，由計劃懷孕嗰一刻開始，準媽媽就要開始改變所有可能對胎兒造成不良影響嘅習慣。今次就同大家睇睇備孕期需要注意嘅問題。
{adv here}
1) 咖啡因的攝取
由於茶葉中嘅單寧酸會降低人體對鐵質嘅吸收，容易造成缺鐵性貧血，準媽媽們最好每日唔好飲用超過2杯以上嘅濃茶；至於習慣飲咖啡嘅女性，最好選擇無咖啡因嘅咖啡或飲料。
2) 藥物使用
懷孕早期禁用雌雄激素、抗癌藥物、降血脂、鏈黴素、四環素、維他命A酸等藥物，因為會引起胎兒性器官變化及其它畸形或身體缺陷，所以由準備懷孕開始，服用任何藥物之前應該先詢問醫生，服用中藥都要小心謹慎。
需要長期服藥者，例如患糖尿病、腎臟病、癲癇、心臟病、紅斑性狼瘡、甲狀腺亢進等病人，必須喺病情穩定後先可以懷孕，準備懷孕前應該話畀醫生知，醫生就會調整藥物嘅種類同劑量，並且喺懷孕期間，隨時監控病情以及調整藥物，確保媽媽同胎兒嘅健康安全。
{adv here}
3) 照X光
懷孕早期儘量避免做腹部X光透視或攝影，因爲X光暴露過量可能會引起胎兒畸形。預備懷孕嘅準媽媽照X光之前，一定要告知醫護人員有懷孕嘅可能，因爲一般受孕兩星期後先驗得出。
4) 吸煙、飲酒
計劃懷孕時就應該戒煙，準媽媽喺懷孕期間吸煙，會增加早期流產嘅風險，嬰兒體重會較輕，亦都會增加周產期新生兒死亡以及胎盤早期剝落嘅機會，嬰兒畸形嘅發生率都會顯著提高。
除咗吸煙，婦女經常飲酒都會導致胎兒發育畸形。酒精對於中樞神經系統有抑制作用，長期飲酒嘅婦女，腹中胎兒會產生酒精中毒症狀，包括生長發育遲緩、智力發育不足、行爲偏差以及特殊臉部外觀，而且會合併心臟、腦部發育畸形以及嚴重先天性畸形。所以婦女準備懷孕或者已經確定懷孕時，要儘快遠離煙酒。
資料來源：健康樹
