女性懷孕後，身體就需要承受各種變化引起嘅不適感。懷孕初期孕婦會有孕吐反應，到咗懷孕中期就會開始出現尿頻、便秘、水腫等癥狀。懷孕後期準媽媽個肚變得越來越大，會面臨更多唔舒服嘅情況。以下方法可以舒緩懷孕後期4大不適癥狀，幫助準媽媽們順利過度。
{adv here}
1) 便秘和尿頻
呢兩個癥狀到咗懷孕後期會更加嚴重，因為胎兒入盆之後，子宮對膀胱嘅壓迫會更大。
應對方法：懷孕期間感到有便意就要及時去解決，千祈唔好忍。平時要注意補充水分，最好係少量多次。睡前嘅1-2小時最好避免飲水，可以減少晚上如廁嘅次數。想舒緩便秘，孕婦需要多飲水，增加攝入含豐富膳食纖維嘅食物。同時最好養成堅持做運動嘅習慣，例如孕婦瑜伽或散步。
2) 皮膚痕癢
有啲孕婦到咗懷孕後期會出現皮膚痕癢嘅情況，一方面係受激素水平變化所影響；另一方面係孕婦皮膚護理方面做得唔夠好。
應對方法：懷孕後，孕婦嘅新陳代謝會變得比較旺盛，皮膚嘅分泌物都會大量增加。所以，孕婦要注意勤洗衣物同日日沖涼。最好選擇純棉質嘅內衣，如果孕婦皮膚比較乾燥，要注意經常搽潤膚露。
3) 失眠
失眠係孕婦喺懷孕後期最頭痛嘅問題，身體越來越重，呼吸比較困難。呢個時候準媽媽個肚已經變到好大，想轉身都有啲吃力，再加上產期將至，孕婦對分娩充滿緊張情緒同恐懼感，失眠現象會越來越嚴重。
{adv here}
應對方法：孕婦可以做多啲資料搜集，學習分娩嘅相關知識，避免被一啲不實嘅傳聞嚇親。睡前用熱水浸腳，身心可以得到放鬆，有助於改善睡眠。
4) 腰酸背痛
準媽媽個肚越來越大，行路時為咗保持平衡，身體會向後傾，容易出現腰酸背痛嘅情況。
應對方法：孕婦睡覺時盡量選擇側卧嘅睡姿，起床後唔好即刻坐起身，先側身然後借助手部嘅力量坐起來。另外，孕婦要避免坐或者企太耐，都有助減輕腰酸背痛嘅情況。
資料來源：壹讀
