相信好多家長都有教小朋友做功課嘅經驗，有啲家長好有耐性，有啲就好易發脾氣。好多家長都想知，到底點樣先可以令子女自動自覺做功課呢？
{adv here}
{adv here}
1. 創造良好學習環境
家長需要為子女準備一個安靜嘅房間，整潔嘅書枱，齊全嘅文具，避免外界嘈雜聲音等等不良因素打擾。
簡潔嘅房間擺設可以避免子女養成返到屋企就睇電視、玩電腦或者一邊做功課一邊玩嘅壞習慣，解決精神唔集中、拖延時間等等問題。
2. 有規劃有條理
有啲小朋友做功課嘅時候，一陣搵擦膠，一陣搵鉛筆，本應一個鐘就做完嘅功課佢就要用兩個鐘甚至更多。呢頭寫幾句英文，嗰頭又再做數學，完全唔按照次序做。呢種學生做功課經常唔按次序做，亦唔會寫題號，所以成日會做錯或者做漏。
建議家長提醒子女，做功課之前要準備啲乜嘢，令佢自己安排做功課嘅次序，避免冇條理冇計劃。
{adv here}
3. 制定目標和賞罰規則
目標制定可以由短期目標開始，例如認真完成功課、唔拖延、正確率高等等；亦可以由中期目標開始，例如期中考試成績；亦可以由長期目標開始，例如學期尾嘅成績等。
無論子女制定咩目標，都要充分尊重而且幫助佢執行。自己制定賞罰規則，唔單止可以幫助子女培養參與意識，更可以培養責任感。
4. 家長陪伴要注重方法
好多家長都鍾意望實子女做功課，一旦發現有問題或者寫錯字，就會一邊批評一邊幫佢擦走同責怪小朋友。子女喺呢種緊張焦慮嘅氣氛下，對學習會失去興趣甚至覺得反感，就算家長點教佢，佢都唔會聽得入耳，亦改唔到。
正確做法係，家長首先問吓小朋友有幾多樣功課，然後放手畀佢自己去完成，等佢做完先慢慢檢查。
資料來源：壹讀
