「醫生！我囝囝病咗好耐先好得返，好返幾日又病過，點解嘅？」想幫小朋友擺脫病毒纏身、遠離感冒不適，家長應該點做呢？想降低受病毒感染嘅機會，其實唔難，以下5招有助提升小朋友免疫力。
1) 多喝水 多吃青菜水果
對於學齡前嘅小朋友嚟講，均衡飲食同攝取足夠水份、維他命都非常重要，而食用蔬果就係小朋友獲取上述營養嘅最佳方法。植物內所含嘅植物營養素，又稱為植化素（phytonutrient），已被證實，可以喺人體遭受感染嘅時候增加白血球嘅產量，抵禦病菌嘅侵襲。尤其係紅蘿蔔、柑、士多啤梨等，含豐富維他命C同胡蘿蔔素，都係有助提升免疫力嘅蔬果。
{adv here}
2) 睡眠充足增加抵抗力
除了均衡飲食外，睡眠充足與否，對於發育中兒童嘅健康、生理狀態都非常重要。睡眠不足容易造成兒童出現注意力不集中、記憶力下降等問題，仲有可能導致體內，對抗病原菌同腫瘤細胞嘅自然殺手細胞（natural killer cell）製造不足，令免疫力、抵抗力大幅下降，增加病毒、細菌入侵嘅機會。
不過，點先為之睡眠充足呢？正常初生嬰兒每日至少要瞓18小時；1個月大嬰兒大約12-13小時，學齡前小朋友至少要瞓10小時，至於6歲以上嘅小朋友應該瞓8小時左右。
3) 維持規律運動習慣
目前嘅醫學研究已經證實，適量嘅運動有助增加體內嘅自然殺手細胞。所以，父母應該鼓勵小朋友做多啲運動，最好就係可以身體力行，陪小朋友一齊做運動，例如，踩單車、行山、球類運動等，從小養成規律運動良好習慣非常重要。
{adv here}
4) 勤洗手避免病原菌
事實上，想要遠離病原、病菌嘅干擾，勤洗手係非常重要嘅關鍵。雖然洗手唔會直接提升到免疫力，但確實有助減少病原菌對免疫力嘅影響。建議家長令小朋友從小養成進食前、抹完鼻涕、摸完寵物、放學回家後，用洗手液清潔雙手嘅習慣。
5) 避免二手煙損害免疫力
香煙中含有超過4000種對人體有害嘅物質，而二手煙對小朋友嘅傷害，真係遠遠超乎你想像！小朋友嘅呼吸率比大人快，而且肺部、支氣管等器官，對於毒物嘅清除能力亦比大人弱。所以，二手煙對小朋友嘅細胞傷害比大人嚴重好多，對免疫系統有一定嘅傷害性。
醫學研究證實，二手煙同嬰兒猝死症、小兒支氣管炎、中耳炎、氣喘等疾病有關，過度吸入二手煙仲會影響幼兒嘅智力同神經發展。
資料來源：華人健康網
