好多小朋友喺學校俾同學欺負都唔會主動同屋企人講，畢竟年紀仲細，仲未意識到自己原來係被「欺凌」，仲以為係自己不受歡迎，將責任歸咎於自己身上，所以唯有靠父母們多加觀察。
{adv here}
當小朋友出現以下6種表現，父母們就要注意，小朋友好有可能喺學校被欺凌。
1) 抗拒返學，無原無故生病次數增加（小朋友年紀越細，情緒失控越容易喺生理上反映出來），甚至詐病逃學；
2) 校服有污積，頭髮變亂，身上發現來歷不明嘅傷口或瘀傷；
3) 文具用品出現損壞，經常要換新文具；
4) 性格比之前更加沉默，開始經常發呆，抗拒同人交流；
5) 胃口欠佳，或者暴飲暴食；
6) 好少提起自己嘅朋友同校園生活，抗拒參加校內社團活動。
{adv here}
以上6種表現，如果喺小朋友身上出現任何3種，父母們就要考慮搵小朋友傾吓，最好可以聯絡到老師，了解一下小朋友喺校內嘅情況。如果真係出咗問題，父母理應係最早發現問題嘅人。
資料來源：每日頭條
