1. 畀寶寶啜空奶樽
啜空奶樽好容易令寶寶吞入大量空氣，有機會引致陣發性腸痙攣同埋肚痛。醫學上叫做「吞氣症」。
{adv here}
{adv here}
2. 畀寶寶瞓低飲奶
睇落好似好舒服嘅姿勢，其實好容易令寶寶耳仔發炎。因為瞓喺度飲奶會好容易令到啲奶唔小心入到咽鼓管，引發炎症。另外，嚴重起嚟會變成「倒及牙」，即係下門牙喺上門牙嘅外面。
3. 畀寶寶含住奶樽瞓覺
寶寶長時間含住有奶嘅奶樽，即係等於將牙仔長時間浸喺酸液入面，好容易會引起蛀牙，所以寶寶瞓咗覺，媽媽就應該即刻將奶樽攞走。
4. 寶寶啱啱出世就用奶樽
如果媽媽諗住餵人奶，喺啱啱開始嘅時候就唔好用奶樽。用奶樽會容易令寶寶對奶嘴同乳頭混淆，干擾到寶寶嘅學習。等到媽媽要返工，無辦法唔用奶樽嘅時候，先開始畀寶寶適應用奶樽飲奶都未遲。
{adv here}
5. 積埋幾個奶樽一齊清洗消毒
有啲媽媽每日用幾個奶樽，覺得一齊清洗消毒會比較方便。但係其實寶寶嘅免疫能力比較弱，要防止細菌喺奶樽入面滋生，應該用一個洗一個，然後積埋洗好嘅奶樽一齊消毒。
6. 忽略咗奶樽嘅使用期限
奶樽只要唔爛就一直用係唔啱嘅。奶樽係有使用期限，特別係塑膠奶樽，一般半年左右就要換。奶嘴嘅使用期限仲短，大約3個月左右。媽媽們一定要注意奶樽同奶嘴嘅使用情況同埋期限，如果有奶積清洗唔到或者樽身爛咗等等嘅情況，就要盡快幫寶寶換新奶樽。
7. 外貌協會
好多媽媽都好貪靚，會幫寶寶揀一啲「五顏六色」嘅奶樽。但係好多時靚嘅顏色安全性都會低好多。作為裝寶寶食糧嘅器皿，都係用簡單一啲比較好，對寶寶健康都有好處。
資料來源：壹讀
