小朋友們喺寫作上嘅能力都幾參差，寫得好嘅小朋友，只要睇得明寫作大綱就可以繼續寫落去。相反，寫作能力差嘅小朋友就要好辛苦咁一粒一粒字咁砌出嚟。
其實，如果可以從小朋友開始讀寫嘅時候就培養寫作能力，隨著年齡增長就會覺得寫作其實唔難，甚至覺得有趣。
{adv here}
{adv here}
日常生活中培養小朋友寫作能力
1. 讀書畀小朋友聽係培養寫作能力嘅第一步，亦都係最有效嘅，選擇返適合小朋友年齡嘅生動有趣書籍，可以鼓勵佢哋日後養成睇書嘅習慣。
2. 教小朋友寫上生活嘅便條、短信等等。例如留言、購物清單、電話留言、寫信同埋明信片等等。
3. 同小朋友傾下一齊做過嘅事，寫低一兩句句子之後讀比小朋友聽。
4. 每日同小朋友寫一個句子，週末再將句子集合，（唔好太長，如果唔係小朋友會較難理解）之後再溫習下寫過嘅句子。
5. 鼓勵小朋友寫自己鐘意嘅題目，再叫小朋友讀畀家長聽，咁樣就可以知道文章有邊啲地方需要改進。
6. 運用身邊嘅廣告、路牌、食物包裝盒等等，增加小朋友對文字理解同運用。
{adv here}
7. 同小朋友一齊整相簿或剪貼簿，叫小朋友試下寫上標題同埋圖片說明。
8. 小朋友啱啱開始寫嘢會出現好多古怪嘅「符號」、「格式」，呢個時候要沉住氣，因為眼前嘅「醜小鴨」將來可能會係寫作「天鵝」，只要小朋友肯嘗試，最後一定會「妙筆生花」。
資料來源：大紀元
