經常聽到有媽媽埋怨自己嘅小朋友喺學業上唔爭氣，又冇上進心，喺生活上仲要樣樣為佢哋操心。
點解家長越理越多，小朋友就越懶散？其實呢方面同父母嘅早期教育方法有密切關係。小朋友讀書心散、生活態度散漫多數都係因為以下三種教育方式引起。
{adv here}
{adv here}
1. 過度干預
如果家長太過插手小朋友嘅生活同埋學業，會逐漸令小朋友養成依賴父母嘅習慣，佢哋長期唔動腦根、乜嘢都有人代勞、好自然自我管理能力就會大大降低。
家長可以試一試畀多啲自主空間小朋友，例如執書包、整理房間等等嘅生活小事，都可以畀小朋友自己試吓做。
2. 過度獎勵
正確同適當嘅獎勵可以激發小朋友更大嘅潛能，但係過度嘅獎勵就會破壞小朋友嘅積極性，咁樣會令小朋友喺潛意識入面覺得自己做任何事都應該要有回報。小朋友亦都會忽視咗做事嘅過程同埋樂趣，唔會為咗完成一件事而投入其中。
3. 過度保護
父母係小朋友嘅避風港，無論小朋友遇到幾大嘅風浪，家長都盡全力為佢哋抵擋。殊不知喺呢種無微不至嘅保護下，小朋友會慢慢養成做事拖拉、散漫等等嘅缺點。
家長疼錫小朋友係理所當然，但係因為過度嘅「愛」，而令小朋友失去咗成長嘅空間，咁嘅做法係得不償失。
{adv here}
建議家長可以用以下方式管教小朋友：
1. 學識主動放手，小朋友嘅獨立意識會喺磨練入面養成。
2. 放手畀小朋友成長，但係唔可以放任，要同小朋友制定明確嘅規則。
3. 可以適當咁獎勵小朋友，適當嘅獎勵可以激發小朋友內在嘅動力。
資料來源：尋夢新聞
