有啲女性會服用排卵藥物或打排卵針來促進排卵，有可能會導致過度刺激卵巢，容易患上卵巢囊腫，甚至引起卵巢腫瘤。其實想促進排卵，可以透過食物調理，食多啲促進排卵嘅食物，就可以有效提高受孕機率。
{adv here}
{adv here}
1. 豆製品
一般情況下，女人出現排卵困難嘅問題，多數同體內雌激素分泌過少有關，所以準備懷孕期間可以食多啲含有豐富雌激素嘅食物。豆製品含有嘅植物性雌激素非常豐富，經常食用可以幫助女性調節體內內分泌系統，對於提高身體質素同埋改善月經都好有幫助。大豆入面含有大豆異黃酮，對於促進卵巢發育同埋卵泡發育都有好處，仲可以幫助女性排出高質量嘅卵細胞，尤其被稱為「萬豆之王」嘅黑豆，對女性排卵有好好嘅效果。
2. 魚
準備懷孕嘅女性可以食多啲魚同埋飲多啲魚湯。如果女性體內卵泡發育唔健全，唔單止會降低體內卵巢分泌卵泡嘅數量同質量，仲會影響受孕機率。想提高受孕機率，平時可以飲多啲魚湯，因為魚湯含有維他命、蛋白質、鈣等多種營養素，而且仲可以促進女性體內卵泡發育，對於提高卵子質量有好好嘅效果。
{adv here}
3. 核桃
合桃可以促進卵子排出，提高卵子質量，因為合桃入面含有豐富嘅鈣、鐵、蛋白質等等微量元素，呢啲營養物質都係卵泡發育必須嘅，所以經常食用合桃嘅女性可以提高受孕機率。
除咗以上幾種促進排卵嘅食物，喺備孕期間都要注意營養均衡，養成良好嘅生活作息習慣，經常做運動，保持良好心態，都有助卵巢同子宮健康，提高女性生育能力。
資料來源：壹讀
