生理原因
寶寶喺媽媽肚入面一直都維持卷縮嘅狀態，兩隻手臂彎喺胸前，佢哋對腳仔都係屈曲嘅，好似踎喺度咁，呢種姿勢令寶寶更加有安全感。寶寶出世之後，手臂唔可以好似大人咁卷喺胸前，所以，佢哋就會不自覺咁將雙手彎曲舉起。而家天氣仲好清涼，如果媽媽擔心寶寶舉起雙手瞓會令佢冷親，可以試吓買一個嬰兒防踢被睡袋。咁樣可以幫寶寶保暖嘅同時，亦都俾到佢足夠嘅安全感。
{adv here}
{adv here}
生命力強
手仔伸到耳朵嘅側邊，亦都係間接證明咗寶寶嘅生命力強，精力好旺盛，身體亦都比較健康嘅。而且，寶寶用呢個姿勢瞓覺嘅話，會幫助到佢呼吸，令佢瞓得更加安穩。當媽媽見到寶寶咁樣做，只要天氣溫度許可，就唔需要夾硬將佢對手拉返落嚟。
排汗
小寶寶嘅新陳代謝係好旺盛，後尾枕、胳肋底、背脊都好容易出汗，寶寶舉起雙手時，腋下會分泌汗水出嚟，可以幫助散熱。有啲細心嘅媽媽會發現，寶寶瞓覺嘅時候唔單止會舉起雙手，仲會昂起頭瞓，各種各樣奇怪嘅睡姿都有。關於寶寶出現呢個現象，各位媽媽都唔需要太擔心，隨住寶寶慢慢長大，呢啲奇怪嘅睡姿會逐漸減少。而且，寶寶知道自己點樣瞓先最舒服，家長無必要刻意去糾正佢，整醒咗佢，可能仲得不償失。
{adv here}
神經系統仲未發育完善
對於初生寶寶或者年紀比較細嘅寶寶嚟講，佢哋嘅神經系統仲未發育完善，所以先會出現各式各樣嘅反射性動作。當寶寶到咗3個月大可以自己翻身嘅時候，就會開始慢慢改變自己嘅睡姿，「投降式睡姿」都會遂漸減少。
資料來源：尋夢新聞
