DHA係一種對寶寶大腦發育非常重要嘅脂肪酸，有利於寶寶嘅身體發育，對於媽媽嘅身體恢復亦都有好處。到底DHA應該幾時開始補？係咪越多越好呢？

{adv here}

DHA應該幾時補？

寶寶服食DHA嘅最佳年齡係6個月大至2歲之間，2歲後依然可以繼續服用。

呢個階段係寶寶嘅身體發育黃金期，需要補充足夠嘅營養物質。服用DHA有助寶寶嘅大腦發育，仲可以促進小朋友手眼協調能力嘅發展，可謂一舉兩得。

DHA要補幾多？

1) 母乳媽媽及半歲以下寶寶
媽媽會透過母乳將營養傳遞畀寶寶，所以母乳媽媽需要攝入大量營養。一般而言，一日要補充400毫克以上嘅DHA。如果餵配方奶，家長需要為寶寶選擇含有DHA嘅奶粉，每150毫升嘅奶，DHA含量要有19毫克以上為佳。

2) 半歲到2歲寶寶
呢個時期嘅寶寶每日需要攝入100毫克嘅DHA，家長要為寶寶選擇含DHA嘅食品，例如乳酪同米糊。在寶寶滿1歲之後就可以飲牛奶、食雞蛋，另外魚類產品都含有豐富DHA。

3) 2~5歲寶寶
2~5歲嘅寶寶對DHA嘅需求較高，每日最好有200毫克左右。家長購買商品時要注意觀察食物標籤上有冇註明含「DHA」成分。

{adv here}

補充DHA的3個誤區

1) 魚肝油可以補充DHA

誤區：有啲人一直將魚肝油當做補充DHA嘅最佳物質，將魚肝油同魚油嘅作用混淆。

魚肝油中嘅VA、D含量最多，但如果冇人工添加DHA嘅話，魚肝油係唔會有補充DHA嘅作用，事實上魚油先有呢個功效。

2) 日日食核桃就得

誤區：有啲家長認為只要每日進食大量核桃就可以補充足夠DHA。

進食堅果後吸收嘅亞麻酸會喺消化過程轉化成DHA，但轉化過程非常慢，而且唔可以將營養全部轉化。所以與其食大量堅果，母乳媽媽不如食DHA補充劑或者食療，效果會更好。

3) DHA越多越好

誤區：有啲媽媽會覺得DHA攝入越多越好，越多越健康。

物極必反，DHA的確對寶寶嘅健康成長發育非常重要，但攝入過量可導致免疫力下降等問題。

資料來源：Q博士