食多啲蔬菜、水果不單止對身體好，仲可以變得更聰明！澳洲一項研究發現，多食蔬菜嘅人，全澳讀寫與計算能力測試（NAPLAN）嘅成績會提高，另外，每日晚餐食蔬果嘅學生，比唔食蔬果嘅學生英語寫作成績好。
{adv here}
{adv here}
據《世紀報》報導，呢項研究針對4200名學生，包括3年級、5年級、7年級同埋9年級嘅學生。結果顯示，多食蔬果可以提高寫作成績。每日食水果嘅學生，其寫作成績比每星期食3~4次水果嘅學生平均高出17分，而飲含糖飲料就會降低學習成績。
{adv here}
澳洲紐卡素大學健康科學學院副教授Tracy Burrows表示，可能係因為食蔬菜、水果會影響神經活動，有提高認知能力嘅作用。教授指出，過去嘅研究只針對食早餐對學習造成嘅影響，而今次嘅研究範圍就擴大到食蔬菜、水果、含糖飲料同埋垃圾食品等等嘅影響。結果發現，飲食確實對學習成績有所影響，之後會更進一步研究學生飲食同學習成績之間嘅關連性。
