當小朋友坐在地上，大腿向外打開，雙腳彎曲，放喺屁股後方，從正面睇小朋友嘅腿部姿勢會呈「W」形。
兒童物理治療師凱西．莫洛伊（Cathy Molloy）指出，呢種坐姿可能會對小朋友造成以下影響：
1. 髖關節發展不良
2. 內八字腳
3. 易駝背，出現搖擺背
4. 影響軀幹同埋核心肌群，缺乏身體協調感
5. 大腿後側肌肉緊張
W坐姿很容易傷害髖關節，因為呢種姿勢容易令臀部同埋大腿肌肉繃緊，引發髖關節不適，對於先天性髖關節發育不良或者不穩定嘅兒童來講，更有可能導致髖部甩臼。如果雙腳經常維持W型，仲好有可能增加大腿骨同小腿骨內轉嘅角度，有機會發展成內八字腳，令足弓塌陷，影響小朋友身體平衡。
家長發現小朋友有W坐姿時，唔需要太擔心，應該先判斷小朋友嘅W坐姿係暫時性定長期性，建議家長可以先觀察，如果小朋友坐喺地上玩玩具時，有時踎低、有時翹腳、有時跪，W型坐姿同埋其他姿勢嘅出現頻率都好平均，咁就屬於正常，但如果小朋友每日都只有單一坐姿（W坐姿），或者3歲後，W坐姿仍然經常出現，咁家長就必須留意。
資料來源：每日頭條
