當小朋友講粗口，好多家長都會擔心，怕小朋友會從此學壞。由於受到周圍環境嘅不良影響，加上小朋友鍾意模仿大人講嘢，「講粗口」呢個現象其實好常見。

{adv here}

點解小朋友會講粗口？

1) 善於模仿

小朋友嘅模仿能力好強，見到咩都會模仿，缺乏判斷是非嘅能力。所以父母、同伴或者電視節目裡面有粗言穢語，都會成為小朋友嘅模仿對象。

2) 舒緩壓力的方法

小朋友同其他人發生衝突或者佢嘅要求得不到滿足時，就有可能會用講粗口嘅方式來發泄情緒。

3) 出於好奇

小朋友有時係出於好奇先會講粗口，其實佢本身根本唔了解係咩意思。如果係較年幼嘅小朋友講粗口，父母可能會覺得好得意好搞笑，不以為然；如果係年齡較大嘅小朋友，父母會好嬲，會訓斥小朋友。

{adv here}

家長應該點做？

1) 凈化小朋友周圍的語言環境

小朋友不文明嘅語言一般都來自周圍環境，如果家長說話粗俗，小朋友自然會去模仿。所以，家長應該提高自身修養，做個好榜樣。當父母發現小朋友講粗口時，要搵出源頭，儘量令小朋友遠離不良環境，否則再純潔嘅小朋友都會被污染。

2) 不要太在乎小朋友的粗言穢語

有時小朋友講粗口係想達到某啲目的，或者吸引父母嘅注意力。對於小朋友嘅粗言穢語，父母唔需要即時阻止並表現得過份緊張，咁做反而會鼓勵小朋友變本加厲，因為佢哋會覺得只要講粗口就能夠達到目的。

3) 教小朋友善用適當的表達方式

好多小朋友鬧人其實係受到傷害後嘅一種情感宣洩，父母應該教育小朋友要以和平心態看待同其他人之間嘅磨擦。

父母要明確咁畀小朋友知道，一個人說話要文明，講粗口嘅小朋友唔係一個乖嘅小朋友，引導佢哋用文明語言去表達內心感受。但當小朋友總係故意講粗口，多次勸告下都無濟於事，父母就要立即制止小朋友嘅行為。

資料來源：幼兒教育網