黃豆營養豐富，含有蛋白質同埋微量元素，8種人體需要嘅胺基酸、不飽和脂肪酸同埋卵磷脂，可以補脾益氣、消熱解毒，係一種好有食療價值嘅食物。每100克黃豆含有367毫克鈣，係懷孕媽媽補鈣嘅理想食品。
{adv here}
{adv here}
1. 提升免疫力
體質唔好嘅準媽媽可以多食黃豆，因為裏面嘅營養成分可以提升免疫力。大豆含植物性蛋白質，有「植物肉」之稱。人體如果缺少蛋白質，會出現免疫力下降、容易攰嘅症狀。
2. 寶寶更聰明
黃豆入面嘅鈣，可以幫助寶寶嘅大腦發育。黃豆含有大豆卵磷脂，佢係大腦嘅重要組成成分之一。另外，大豆卵磷脂入面嘅甾醇，可以增加神經機能同埋活力。
3. 強健器官
黃豆有強健嘅功效，準媽媽食用之後對寶寶各個器官嘅發育都有幫助。大豆卵磷脂仲可以促進脂溶性維他命嘅吸收，令到人體各組織器官更加強健。
{adv here}
4. 提高精力
準媽媽精神唔好嘅話可以透過飲食嚟改善，其中黃豆就有呢個神奇效果。大豆入面嘅蛋白質，可以增加大腦皮層興奮同埋抑制功能，提高學習同工作效率，仲可以幫助緩解沮喪、抑鬱嘅情緒。準媽媽心情唔好嘅時候，可以考慮飲豆漿或者食黃豆製品嚟舒緩情緒。
5. 降低血脂
準媽媽喺懷孕期間會出現血脂異常嘅狀況，可以多啲食黃豆緩解。大豆入面嘅植物固醇有降低血液膽固醇嘅作用。佢喺腸道裡面可以同膽固醇抗衡，減少膽固醇吸收。喺降低高脂血症患者血液中嘅「壞膽固醇」同時，又唔會影響血液入面嘅「好膽固醇」，有好好嘅降脂效果。
資料來源：壹讀
